الفشونيستا

الست بطبيعتها بتحب الجمال و الشياكه ، بتحب تلبس حلو و تحط ماكياج و الموضوع ده من قديم الأزل يعني مش حاجه جديده علينا و بما اننا دلوقتي بقينا في عصر الصور السيلفي فا الموضوع عند شوية بنات مش كله طبعا قلب بهوس بالموضه .. اه و الله الموضوع اتحول من انها عايزه شكلها يبقي حلو لمنافسه مين اكتر واحده لبسه براندز و مين اكتر واحده واخده لايكس لا و كمان ده الموضوع بقي بيزنس كمان …البنات بقت بتقضي معظم يومها بتتفرج علي اللبس و الشنط و الجزم و هتشتري ايه و منين و هتبقي هي احلي و اشيك و لا سوسن صاحبتها اللي هتكسب المنافسه…. احنا داخلين علي ايام سوده.

الذوق مبقاش مهم دلوقتي بالنسبه لبنات كتير الاهم ازاي هيقدروا يعجبو الناس و يبهروهم ، بقي قي ظاهره جديدذ كده اسمها الفشونستا ( فاشون بلوجر) و دي في كل العالم بتبقي واحده ذوقها حلو بتلبس كويس و تعمل شعرها بطريقه كويسه و تبتدي تظهر للناس طريقه لبسها و ازاي يقدروا يخاتروا اللبس اللي يليق علي جسمهم و شكلهم و في نفس الوقت يبقي ماشي مع الموضه .. بس في مصر بقي الموضوع بقي مختلف شويتين ، اي واحده لبست حاجه من وجهه نظرها هي بس حلوه بتقول علي نفسها فشونيستا و المصيبه الكبيره بقي ان في ناس بتقلدها تقليد اعمي لمجرد انها بالنسبالهم فاشون ايكون.

 

 هقولكم دلوقتي تعريف الفشونيستا في مصر بس بطريقه اوضح شويه … واحده تجيب لبس غالي جدا .. براندز عالميه .. شوية عك فو الالوان هوب البنت خلاص عديت و بقت فاشونيستا و ابتدي يبقي ليها نشاطات علي كل السوشيال ميديا زي ( فيسبوك، تويتر،تامبلر، انستاجرام) لا و الموضوع دخل فيه بيزنس و اعلانات و حوار كبير اوي يا جماعه تلاقي البنت عندها ١٩ سنه و بيدخلها فلوس في الشهر اكتر من واحد عنده خبره في اي مجال و بيشتغل بقالو سنين ،دول بياخدوا فلوس لو حطوا اسم اي منتج علي الأكونت بتاعه لا و تلاقيها بتظهر في التلفزيون و صورها في المجلات كمان،م .. ايه الحلاوه دي والله .

 

اما بقي بالنسبه لموضوع البراندز الغاليه جدا اللي بيلبسوها و خصوصا الشنط .. ليه تجيبي شنطه بكام الف عشان بس تبقي روشه و انيقه و نضيفه جداا؟ ايه الفكره اصلا مش شايفه ان بصراحه الشنطه بيبقي شكلها مختلف احنا بس اللي بنقعد نقنع نفسنا ان شكلها حلو و جلدها مختلف كام كلمه كده بنحلل بيهم القرشين اللي دفعناهم ، الشنط العاديه بردو جميله و الله شجعوا البراندز المصريه يا بنات

 

بس احب اقولكم برضوفي الاخر ان مش كل الفشونيستاس في مصر بيعكوا في اللبس ، لا في فعلا بنات ذوقهم حلو جدا و بيلبسوا الوان متناسقه عادي جدا و في بنات بردو مش عايشين دور الفشونيستاس و شيك جدا برضو ، كل واحده تلبس اللي شايفاه حلو و مناسب ليها و لجسمها مش لازم تقليد اعمي و خلاص.

رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)