اماكن خروج الأطفال في القاهرة

هتخرجي بطفلك فين في الويك أند

أمهات كتير بتيجي قبل الويك أند عايزة تخرج بالأطفال و مش عارفه تلاقي فين مكان تقدر تقعد فيه و الأطفال تلعب في نفس الوقت،

بالنسبة للمعادي ففيها أكتر من مكان، في  Sugar Spell Park ممكن أي أم تقعد و كمان تاكل أو تشرب و الأطفال يلعبوا قدام عينيها و Peekaboo كمان نفس النظام و كمان في  Court Yard فيها منطقة ألعاب اطفال كبيرة جدا و مقفولة ممكن تسيبي الأطفال في أمان بنظام الساعة و تقعدي في أي مطعم أو كافية حواليهم.

التجمع الخامس في أماكن كتير برضو زي في داون تاون في منطقة ألعاب أطفال  Kiddles و في العاب ترامبولين  Gravity Code  في سكاي بلازا شارع التسعين و في كايرو فيستفال سيتي ملاهي و منطقة ألعاب أطفال و قطر و طبعاً Kidzania  الشهير و دا مدينة متكاملة بيشتركوا الأطفال في جميع النشاطات من أول الشغل في السوبر ماركت لحد شغل المصانع المصغر و ممكن أطفالك يقعدوا يلعبوا فية طول اليوم بدون زهق و أمهات كتير بيحبوا يشاركوا هما كمان و بالنسبة لسيتي سنتر المعادي في ملاهي و في طبعا حديقة الأسرة و هي تعتبر من اكبر الحدائق الموجودة في مصر و فيها حديقة حيوانات و العاب مائية و ملاهي و مساحات واسعة و مطاعم ممكن العيله تروح تقضي يوم ظريف هناك.

في ستة أكتوبر الناس بتحكي على ClubLiko  جوا كومبوند كارما و قد اية  مختلف و الأطفال و الكبار بيتبسطوا فية و كمان مستوي الأكل  و في مول العرب في Billy Beez منطقة العاب تتميز بالزحاليق و طبعاً العاب كتير تانية و في أركان في فرع تاني لKiddles و داندي مول في كمان منطقة ألعاب مقفولة.

في مصر الجديدة في مول سيتي ستارز و في مول صان سيتي في مناطق العاب مقفولة و ملاهي و قطر.

في المهندسين و الزمالك في منطقة ألعاب أطفال Cheeky Chimps.

لو عايزة حاجة في الطبيعة و مختلقة عن كل دا في فجنون على طريق سقارة و دي فيها نشاطات زي عمل الفخار و العاب الطين و بعض الحيوانات الأليفة.

 

رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)