تحضيرات رمضان

  • سهلي على نفسك في رمضان و عصجي كيلو لحمة مفرومة مع بصلة كبيرة مبشورة و رشة فلفل و ملح و جوزة الطيب و كسبرة نشفة و قسميها على 3 و خزنيها في أكياس تلاجة في الفريزر و طلعيها وقت ما تحتاجيها
  • سهلي على نفسك في رمضان و أفرومي كمية من البصل مع رشة ملح و قسمية و خزنية في أكياس في الفريزر و أستخدمية وقت ما تحتاجية
  • سهلي على نفسك في رمضان و هاتي كمية من الخضرة (شبت، بقدونس، كسبرة) و أفروميها و قسميها و خزنيها في الفريزر و أستخدميها وقت ما تحتاجيها في الطبخ أو خلطة المحشي
  • سهلي على نفسك في رمضان و هاتي كمية من ورق العنب و شيلي العيدان و حطية في مياة مغلية مع العيدان و معلقة ملح و معلقة زيت يدوبك يغير لون أقل من دقيقة و بعدين خزنية في أكياس في الفريزر و خزني العيدان لوحدها في كيس و أستخدمية وقت ما تحتاجي
  • سهلي علي نفسك في رمضان و حضري خلطة المحشي من وصفة أبلة طازة من غير خطوة الرز و الخضرة و خزني الخلطة في الفريزر و إستخدميها وقت ما تحتاجيها
  • سهلي علي نفسك في رمضان و إضربي كمية من الطماطم و قسميها و خزنيها في الفريزر عشان تبقي جاهزة عندك لأي صوص
  • سهلي علي نفسك في رمضان و بما إن الشوربة مكون اساسي علي الفطار، لما تسلقي الفراخ اليومين دول حطيها في أكبر حلة عندك عشان تديكي مرقة كتير و لما تبرد قسميها في أكياس تلاجة و حطيها في الفريزر عشان تستخدميها علي طول
رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)