كيف تتجنبي سرطان الثدي

احنا لازم نتفق كلنا ان صحتنا دي نعمة كبيرة اوي من عند ربنا ولو أهملنا فيها ربنا هيعقبنا عشان احنا محفظناش على النعمة دي.

اكتر الامراض شيوعا الوقت دا الي ممكن تصيب المرأة هو سرطان الثدي، لازم دايما نعمل احطياتتنا عشان نتجنب حدوث المرض دا وعشان لو اصيبنا به نكتشفه بدري عشان نقدر نتعالج منه قبل ما ينتشر ويسبب مضاعفات.

لازم دايما تبقي ملاحظة ومتابعة اي تغيرات بتحصل في جسمك واي تغيرات بتحصل في ملمس الثدي، لو لقيتي اي خراريج او سماكة في الثدي لازم تروحي تتأكدي وتطمني ان دي من غير اي اسباب مرضية ممكن جدا التكتلات دي تكون لأي اسباب هرمونية وبتيجي ممكن في وقت الدورة الشهرية، زي كيس الثدي وبتيجي قبل انقطاع الدورة الشهرية، وممكن يحدث كتل ليفية ودي بتيجي للستات الصغيرين في اوائل العشرينات مثلا بس برده لو حصل اي حاجة من الكتل دي في اي وقت لازم بسرعة تروحي للدكتور وتتأكدي ان دي كتل حميدة مش مسرطنة.

انتي عارفة ان معدل الكتل الحميدة يحدث بنسبة ٣ نساء بين كل ١٠٠إمرأة يعني حوالي ٩ من ١٠ منهم بتكون حميدة فالإطمئنان مش مشكلة ومش هيضر بالعكس هيفيد ويطمن.

احيانا الكتل الصدرية بتكون على شكل كيس بيضم سائل او خراج وممكن ناخد علاج له وفي اناس تانية بيحتاجوا لتدخل جراحي عشان يصرف فإستشارة الدكتور مهمة جدا عند حدوث اي كتل صدرية او اختلافات في شكل صدرك في أسرع وقت عشان تطمني انها مجرد كتل حميدة ومش محتاجة علاج، ولازم تكوني مدركة بكل الامور التي تتعلق بالثدي ويا ريت تعملي فحص شهري عشان تطمني.

في حاجة اتكلمنا عليها و هي آلام الثدي عند اقتراب الدورة الشهرية الشهرية و دي عادة بتكون في المنطقة العلوية الخارجة للثديين و ممكن تصاب في ثدي واحد بس و ممكن يؤثر علي ذراعيك و دا بسبب ان الانسجة المنتجة للحليب في الثدي بتكون نشطة و برده لو الالم كان قوي بإختلاف كل مرة لازم تروحي للدكتور في اسرع وقت و خليكي عارفة ان نسبة الالم بتزيد ما بين سن ال ٢٠ لل ٥٠ فلازم تتأكدي ان الالم دا اسبابه طبيعية عشان كمان احساسك بالالم هيروح منه الخوف و القلق  ان يكون سب الالم مرضي و الحالة النفسية بتساعد علي تقلقل الشعور بالالم.

لو حصل استئصال للرحم دا بيسبب تغيرات في شكل الثدي وملمسه بسبب توقف الدورة الشهرية ولكن إذا شعرت بشئ غريب يجب عليكي الذهاب للدكتور فورا في أسرع وقت.

هقولك شوية نصايح كدا تساعدك تتجنبي اي امراض طبعا عشان ابلة طازة مش دكتورة فهي استعانة بالمعهد الوطني للصحة و التفوق و قال ان لازم دايما تكوني شاعرة بأي تغيير فيكي يعني تكوني عارفة إية هو الطبيعي ليكي عشان لو حصل اي شئ مش طبيعي تحسي به فورا، لازم دايما لما تحسي بأي تغيير حتى لو كان غير ملحوظ تروحي للدكتور حتى لو قالك مفيش حاجة و حسيتي بعد كدا بنفس الاعراض تاني و قلقتك روحي و تاني و تالت لحد ما تطمني و اعملي فحص بشكل روتيني عشان تطمني و ادلعي كدا و اهتمي بنفسك و اطمني على نفسك دي الواحدة ملهاش الا صحتها.

رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)