يا معشر الرجاااااااال ارجوكم أكذبوا

 

أكذب يا فندم، ما انت بتكذب عليها في حاجات اكبر من كدا بكتير مش قادر تتعب عضلات لسانك و تحرك الفك حوالي 6 مرات و تقولها أية الحلاوة دي؟!

بوس إيديها و قولها معلش تعبتك معايا، حسسها أنها ليها قيمة. الست بتعمل كتير أوي و بتشيل و بتستحمل أكتر !قدرها، هو دا التعبير المظبوط و متنساش في أخر كل يوم أنها بعد الشغل و للأمهات بعد مزاكرة الولاد و التمارين و الغدا و العشا و الغسيل و الخناق و البواب و إلي كسر عليها في الشارع هي ست! ست يعني كائن أضعف منك، كائن عاطفي و بيتأثر بأي كلمة.

 الست مش عايزة تسمع من صاحبتها قد أية شعرها حلو إنهاردة، و لا من مامتها ان فستانها يجنن و لا عايزة راجل تاني يرفع عينة و يبص عليها، الست محتاجة تسمع أي كلمة منك أنت بس.

الجفاء و الكلام الناشف بيخلى أي ست تدبل مع الوقت، بتوحش فعلا و من أوحش لأوحش و فكرة ما هي عارفة إني بحبها غلط عشان هي متعرفش حاجة، متعرفش أنت لسة معاها لية، عشانها و لا عشان الظروف و لا عشان هي بضاعة مناسبة. جزء كبير من فخر الست بنفسها بتستمدة من نظرة الراجل ليها، من نظرتك ليها و لما انت تكون مش شايفها أصلا و تحولت هي لشيء موجود زي العربية و الكنبة و التلاجة ،مسلم بوجودها يبقى هي مش هتشوف غير كدا.

جرب كدا و أسألها أنتي عاملة اية أنهاردة، مبسوطة! متوصلش الست إلي معاك إنها تتحسر على إيامها قبل ما تعرفك ...

أكذب ...

رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)