العريس يوم ما يروح يتقدم للعروسة

موضوع العريس هيجيب اية و هو رايح يتقدم للعروسة موضوع ممكن يأثر على الجوازة كلها في بلدنا. و العروسة بتبقى مستنية تشوف العريس جايب ايه و العريس يبقى مستنى يشوف العروسة هتقدم ايه,  يعني تربص من الناحيتين.

بالنسبة لي الطبقات الراقية و العالية اجتماعيا و ماديا

العريس ممكن يجيب معاه شيكولاته فى طبق فضة أو كريستال و ممكن يبعت ورد الصبح و الاماكن اللى بيتجاب منها الشيكولاته معروفة و طبعا لو جاب من محل مش من المقبولين في الطبقة دي يبقى هيبقى علية علامات إستفهام كتيرة. .

و الطبقة المتوسطة  بقى في العادي العريس بياخد تورته أو جاتوه و ممكن ورد.  

وأما بقى العروسة المفروض تقدم ايه ده قصة تانية في الأغلب هو هاي تي بمختلف تعريفة عند كل طبقة .

في الطبقات الراقية في الأغلب بيبقى عصير فريش و ساليزون و جاتوه سواريه, الطبقة المتوسطة في الأغلب بتقدم جاتوه او تورته او حتى كيك مع شاى .

ترجمة العريس رايح معاة أية و العروسة  بتقدم اية اكبر من بس قيمة الحاجة دي بتدي دلالة عن المستوي الإجتماعي, المادي و قد إية العريس شاري العروسة أو قد اية أهل العروسة يفهموا في الزوق و للأسف في جوازات باظت بسبب الحاجات دي.

أهم حاجة لأي عروسة فيكم إنها تقدم حاجة تكون من الي هي متعودة علية و متعودة تشتري منة لأن التغالي أحيانا برضة بيحط علامات إستفهام و تتقبلي ان ممكن العريس يكون جايب حاجة مش الي إنتي متوقعاها ة تكون في حدود المقبول و متبقاش نقطة تقفي عندها.

رجوع

قوللنا رأيك فيها أو التغيير اللى تحبى تعمليه

ضيفى تعليق على المقال

التعليقات (0)