إسالي أبلة طازة

أخر الأسئلة

حللي الزيت مش بيطلع منها أحط اية يا أبلة؟

مياة مغلية مع خل و سيبيها في الحلة شوية هيطلع الزيت

يا أبلة بعمل كيك عادي بس بحس السكر بيفضل مبلور في الكيك زي ما هو مش بيدوب

غيري نوع السكر و إطحني السكر في المطحنة قبل ما تستخدمية لأن أغلب الوصفات العالمية بتستخدم سكر كاستر و هو مش سكر بودرة بس سكر عادي ناعم جدا

لما بعمل ستيك لحمة بيطلع مني ناشف

متدوسيش على اللحمة بالشوكة او بالمغرفة و هي بتستوي عشان بتنشف و كمان لو دا مش ستيك مشوي و بتعمليها في صينية متزوديش مياة للحمة قبل ما تنزل المياة بتاعتها تماما

أبلة طازة انا صوص الطماطم بيبوظ مني مش عارفة ليه؟

حطي طماطم فريش مضروبة و يستحسن زيت زيتون و فص توم مفروم و معلقة بصل مفروم و مكعب مرقة و معلقة صلصة و ورق ريحان فريش و دا بيدي طعم هايل و نص معلقة سكر و سيبي الصوص على نار هادية مع شوية مياة قد ما تقدري يتسبك

ممكن أجمد بصل في الفريزر يا أبلة طازة؟

ممكن تجمدي بصل مفروم بس رشي علية رشة ملح خفيفة و ممكن تجمدي توم مفروم كمان من غير ملح

إسالي أبلة طازة