حلاوة جبن

ضيفي وصفتك

المقادير

  • 400 جرام قشطة (يفضل معلبة بس الي بتبقى في التلاجة و مش بلدي)
  • كوباية دقيق سميد (يفضل تطحنية لو قدرتي)
  • 300 جرام جبنة موتزاريلا
  • نص كوباية سكر عادي و يفضل يكون مطحون
  • كوباية مياة
  • معلقتين مزهر
  • نص كوباية فستق مجروش
  •  
  • للشربات
  • كوبايتين سكر
  • كوباية و ربع مياة
  • نص ليمونة معصورة
  • معلقة مزهر
  • معلقة سكر جلوكوز إختياري 

طريقة العمل

أبتدي بالشربات عشان يبرد، أغلي المياة مع السكر و الليمون حوالي ربع ساعة و بعدين أطفي و ضيفي المزهر (سكر الجلوكوز أختياري في الأخر و بيحافط على قوام الشربات)

 في حلة على نار هادية أغلي المياة مع السكر تدوب و في أول الغليان حطي السميد و قلبية كويس أوي و بعدين ضيفي الجبنة و المزهر و قلبي الخليط كويس أوي أوي بمعلقة خشب لغاية ما يبقى عجين مطاطي.

قسمي العجين و حطي بلاستيك مطبخ على السطح إلي هتشتغلي علية و أفردي العجين مستطيل ارتفاع 3 مم في عرض 8 سم في طول 20 سم و حطي بالطول خط من القشطة بالمعلقة أو كيس الحلويات و بعدين لفي العجين و قطعية بالسكينة كل 4 سم بتبقى بتبقي كأنها سويس رول صغيرة و محشية قشطة و كرري الخطوة لحد ما العجين يخلص.

رشي فستق من فوق الوش و صبي علي كل قطعة معلقة شربات قبل التقديم

ضيفى تعليق على الوصفة

التعليقات (0)