عجينة الكريسنت رول او الكرواسون

ضيفي وصفتك

المقادير

  • ٣ و نص كوباية دقيق
  • سكر
  • ملح
  • مياه دافية
  • ٢ معلقة خميرة
  • ٤ معالق زبدة
  • ٣/٤ كوباية لبن دافي
  • ٢ بيض

طريقة العمل

 

إخلطي ٣ و نص كوباية دقيق مع معلقة و نص سكر و معلقة صغيرة ملح, و في بولة بره إخلطي ربع كوباية مياة دافية مع معلقتين خميرة و بعدين حطيها على خليط الدقيق و حطي عليهم ٤ معالق زبدة سايحة و ٣/٤ كوباية لبن دافي و بيضتين و إعجنيها كويس و سيبيها في حتة دافية متغطية لغاية ما العجينة تنفش. هاتي العجينة و دوسي عليها عشان يخرج منها الهوا و بعدين قسميها و إفرديها بالنشابة و إدهنيها بزبدة سايحة تاني بظهر معلقة.

العجينة ممكن تتقطع مثلثات و تتلف على شكل كرواسون أو أي شكل تاني زي النص دايرة و ممكن تتحشي أي مكونات حلو أو حادق و تسبيها بعد ما تشكليها أو تحشيها حوالي عشرين دقيقة قبل ما تدخل الفرن عشان العجينة ترفع تاني علي صينية الفرن المدهونة و بالفرشة إدهني سطح العجينة بالزبدة لتالت مرة قبل ما تدخل الفرن على درجة حرارة ١٨٠ 

ضيفى تعليق على الوصفة

التعليقات (0)