كرات الشيكولاتة

ضيفي وصفتك

المقادير

100 جرام زبدة 100 جرام سكر بيضتين رشة فانيليا 80 جرام دقيق معلقة صغيرة بيكينح بودر 20 جرام كاكاو معلقة لبن ورقة زبدة 150 جرام شيكولاتة و شياطة الرز 200 جرام زبدة معلقتين قشطة

طريقة العمل

حضرى كيكة شيكولاتة أو اعمليها بالمقادير دى : 100 جرام زبدة تضرب مع 100 جرام سكر كويس و عليهم بيضتين و رشة فانيليا و انخولى عليهم 80 جرام دقيق و معلقة صغيرة بيكينح بودر و 20 جرام كاكاو و قلبيهم فى خليط البيض بالمعلقة و عليهم معلقة لبن و حطيها فى صينية مدهونة و فيها ورقة زبدة فى الأرضية و الجوانب و حطيها فى فرن 170 درجة حوالى 25 دقيقة . حضرى الفروستينج : سيحى 150 جرام شيكولاتة من أى نوع على نار هادية و شياطة الرز و فى بولة اضربى 200 جرام زبدة طرية مع معلقتين قشطة و ضيفى عليهم الشيكولاتة السايحة . لما الكيك يبرد افروكيه كله يبقى زى الكيك المفروم و قلبى فيه الفروستينج و شكلى الخليط على شكل كور و رصيها و دخليها الفريزر نص ساعة و بعدين طلعيها و سيحى 500 جرام شيكولاتة من أى نوع مش لازم غامقة فى حمام مياة و غطى كل كورة كيك بالشيكولاتة السايحة ممكن تمسكى شوكتين و تسقطى كور الكيك فى الشيكولاتة بسرعة و تطلعيها على صينية عليها ورق زبدة . زينى كور الشيكولاتة بمكسرات مفرومة أو قرفة بودرة أو شيكولاتة بيضة مبشورة و سيبيها تبرد و متدخليهاش التلاجة . أبلة طازة بتقولك ممكن تحطى فى خليط الكيك المفروم و الفروستينج أى نوع مكسرات مفروم لو تحبى .

ضيفى تعليق على الوصفة

التعليقات (0)