كيكة القهوة الكرامب

ضيفي وصفتك

المقادير

كوبايتين و نص دقيق

كوباية سكر

نص معلقة صغيرة بيكينج بودر

نص معلقة صغيرة بيكينج صودا

رشة ملح

معلقة صغيرة نسكافية

كوباية الا ربع زبدة

3 بيضات

تلتين كوباية لبن رايب

باكو فانيليا

نص كوباية سكر بنى

معلقة قرفة

معلقة نسكافية

طريقة العمل

حطى صينية حوالى 20 x 30 مدهونة ، فى بولة أنخولى كوبايتين و نص دقيق مع كوباية سكر و نص معلقة صغيرة بيكينج بودر و نص معلقة صغيرة بيكينج صودا و رشة ملح و معلقة صغيرة نسكافية و بعدين ضيفى كوباية الا ربع زبدة شوية بشوية و ضيفى 3 بيضات و تلتين كوباية لبن رايب و باكو فانيليا و اضربى الخليط كويس .

فى بولة تانية حضرى الحشو نص كوباية سكر بنى معاها معلقة قرفة و معلقة نسكافية .

حطى نص خليط الكيك فى الصينية و بعدين حطى الحشو و اعمليه أشكال بطرف السكينة و حطى باقى خليط الكيك .

حضرى فى بولة التوبينج نص كوباية زبدة مع كوباية دقيق و معلقة قرفة و نص كوباية سكر بنى و رشة فانيليا و أخلطيهم مع بعض و حطيهم فوق الوش و دخلى الكيك فى فرن 180 درجة حوالى 40 دقيقة .

ضيفى تعليق على الوصفة

التعليقات (0)