مافن قرع العسل و الموز

ضيفي وصفتك

المقادير

كوباية الا ربع قرع عسل

ربع كوباية زبدة سايحة

موزتين

كوباية سكر

بيضة

باكو فانيليا

معلقة صغيرة قرفة

معلقة صغيرة بيكاربونات الصوديوم

نص معلقة صغيرة ملح

كوباية نص دقيق

طريقة العمل

اسلقى كوباية الا ربع قرع عسل و هاتى ربع كوباية زبدة سايحة و اهرسى معاه موزتين كويس و ضيفى عليهم القرع و كوباية سكر و قلبيهم كويس و ضيفى عليهم بيضة مضروبة مع باكو فانيليا و بعدين معلقة صغيرة قرفة و معلقة صغيرة بيكاربونات الصوديوم و نص معلقة صغيرة ملح و كوباية نص دقيق و قلبيهم فى بعض كويس جدا .

هاتى صوانى المافن أو الكب كيك المدهونة و صبى الخليط ( لو صوانى مافن بتعمل 12 واحدة ) و دخليهم فرن 200 درجة و بعد 5 دقايق وطى الفرن ل 180 درجة حوالى ربع ساعة .

أبلة طازة بتقولك مافن القرع و الموز فكرة هايلة لفطار الأولاد فى المدرسة .

ضيفى تعليق على الوصفة

التعليقات (0)