المقادير

  •  
  • كيلو ممبار
  • ملح 
  • فلفل
  • خل
  • ٣ كوبايات رز
  • معلقة زبدة
  • زيت
  • ٢ بصلة مفرومة
  • ٥ طماطم مقطعة
  • شطة
  • ١ معلقة كسبرة ناشفة
  • كمون
  • ١ حزمة كسبرة ناشفة
  • شبت و بقدونس
  • نعناع ناشف
  • ١ مكعب مرقة فراخ
  • ١ ورقة لورا
  • حبهان

طريقة العمل

كيلو ممبار منقوع و مغسول من الناحيتين و متنظف كويس أوى بالملح و الخل هاتي 3 كبيات رز مغسول و منقوع ربع ساعة و على النار في معلقة زبدة و زيت شوحي بصلة مفرومة دقيقتين و نزلي عليها 5 طماطم مقطع صغير جدا أو مبشور و شطة و معلقة صغيرة كسبرة ناشفة و ملح و فلفل و معلقة صغيرة كمون . تاخد تقليبة و إطفي و حطي الرز و بصلة مفرومة ناية و حزمة كسبرة خضراء مفرومة  , و بقدونس و شبت و معلقة صغيرة نعناع ناشف و إحشي الممبار حوالي نص كمية الحشو إلي ممكن ياخدها و بعدين تبلية بملح و فلفل خفيف و إسلقيه في مياه مغلية معاها ورقة لورا و حبهان و مكعب مرقة حوالي ساعة و بعدين بيتحمر في زيت غزير وقت الأكل

ضيفى تعليق على الوصفة

التعليقات (0)